انا حبيت واحد وارتبطنا4 سنين..رفضت عريسين عشانه ووقفت جمبه كتير حتى لما دخل الجيش سنه بعد الكليه فضلت معاه وكل كلامه انه هيخطبني بعد ما بخلص الجيش لان مامته مكنتش موافقه على الخطوبه غير لما يشتغل.. خلص جيشه واشتغل علطول وبعد ما اشتغل باسبوعين اتنين اكتشفت انه بيكلم السكرتيرة ع النت ومعاه رقم موبايلها ومتصحبين على بعض جامد اتخنقت معاه وسبنا بعض بسبب الموضوع ده وبعدها بشهرين عرفت انه ارتبط بيها وعامل مشاكل في البيت عشان يخطبها ومامته هي اللي مش موافقه عليها وعايزاه يخطبني انا لكن هو اللي مش موافق..مكنتش متخيله ان كل ده ممكن يحصلي ..قلبي بيوجعني اوي من الغدر والخيانه ومش قادرة احب حد بعده ولا قادرة اقبل اي عريس من اللي بيتقدموا..اعمل ايه انا بجد تعبانه ..احنا سبنا بعض بقالنا 8 شهور وبرده مش قادرة انساه ولا قادرة اقبل فكرة اني ممكن اتجوز حد غيره..خايفه اوي عمري يضيع وانا مش قادره انساه
0 التعليقات:
إرسال تعليق